Ինչպես ավելի վաղ հայտնել էինք, Գյումրու ավագանու «Քաղաքացիական պայմանագիր» խմբակցությունը նոյեմբերի 8-ին նախաձեռնել էր ավագանու արտահերթ նիստ: Օրակարգում մեկ հարց էր՝ Գյումրի համայնքի ղեկավարի ընտրությունը:
Ավագանու նիստը, սակայն, չկայացավ քվորումի բացակայության պատճառով: Դահլիճում ներկա էր միայն նիստը նախաձեռնած խմբակցությունը:
Գյումրու ավագանու «Հանրապետական», «Զարթոնք», «Ապրելու երկիր» խմբակցություններն ու ավագանու անկախ անդամ Վարդևան Հակոբյանը հայտարարված 30 րոպե ընդմիջումից հետո ևս չներկայացան նիստին:
«Քաղաքացիական պայմանագիր» խմբակցության անդամ Արթուր Պապիկյանը հայտարարեց․
«Այս պահին նիստերի դահլիճում ներկա է ավագանու 11 անդամ, քվորում չկա, նիստը համարվում է չկայացած»:
