Երևանի քաղաքապետ Տիգրան Ավինյանն այցելել է «Շտապբուժօգնություն» ընկերություն, ծանոթացել իրականացված բարեփոխումներին, առկա խնդիրներին, զրուցել աշխատակիցների հետ:
Ծառայությունում ներդրված բջջային նոր հավելվածը հնարավորություն է տալիս շտապ և անհետաձգելի բժշկական օգնության կանչի թերթիկները լրացնել էլեկտրոնային եղանակով և ներբեռնել բուժառուի տվյալները մեկ ընդհանուր համակարգում, անձնակազմն ունի նոր արտահագուստ, կանչերը սպասարկվում են 100%-ով. ուշացումով կամ անպատասխան զանգեր չկան:
Արդյունավետ կառավարման շնորհիվ ընկերությունը սկսել է շահութաբեր աշխատել, որը հնարավորություն է տալու ոչ միայն սեփական միջոցներով վերազինել պարկը, այլև հոգալ անհրաժեշտ կարիքները:
Եթե 2023թ. հունիսին «Շտապբուժօգնություն»-ը ուներ 75 մլն դրամի պակասուրդ, ապա այս տարի մոտավորապես նույն չափով ավելցուկ ունի ընկերությունը:
