Ռուսաստանի վարչապետը հոկտեմբերի 1-ին աշխատանքային այցով Հայաստան կժամանի

ՌԴ վարչապետ Միխայիլ Միշուստինը հոկտեմբերի 1-ին աշխատանքային այցով կմեկնի Հայաստան, հայտնում է ՏԱՍՍ-ը՝ հղում անելով ՌԴ կառավարության մամուլի ծառայությանը։
ՌԴ վարչապետը կմասնակցի Եվրասիական միջկառավարական խորհրդի 40-րդ նիստին և Եվրասիական տնտեսական ֆորումի լիագումար նիստին։

Նշվում է, որ Հայաստանի, Բելառուսի, Ղազախստանի և Ղրղզստանի գործընկերների հետ Միշուստինը կքննարկի «Եվրասիական տնտեսական միության շրջանակներում ինտեգրման խորացման ակտուալ խնդիրները»՝ հատուկ ուշադրություն դարձնելով «ներքին շուկայի գործունեության, զարգացման հարցերին», փոխգործակցություն արդյունաբերության, տրանսպորտի, մաքսային և սակագնային, գյուղատնտեսության և էներգետիկայի ոլորտներում»։ Միջկառավարական խորհրդի նիստին կմիանան ԵԱՏՄ դիտորդ երկրների՝ Կուբայի և Ուզբեկստանի ներկայացուցիչները, ինչպես նաև հրավիրված հյուրերը։

Բացի այդ, ակնկալվում է, որ ԵԱՏՄ երկրների վարչապետները կքննարկեն ԵԱՏՄ շրջանակներում արդյունաբերական համագործակցության ոլորտները մինչև 2030 թվականը։

ԵՄԽ-ի աշնանային հանդիպումներն ավանդաբար անցկացվում են Հայաստանում, և Միշուստինը դրանց մասնակցում է ամեն տարի՝ 2020 թվականին վարչապետ նշանակվելուց հետո։ Խորհրդի վերջին նիստը կայացել է Նեսվիժում (Բելառուս) հունիսին։

Լրահոս

Թուրքիային մատակարարված ռուսական С-400 զենիթահրթիռային համակարգերը մնում են Թուրքիայի բանակի սպառազինության մեջ, դրանց վերաբերյալ դիրքորոշման ոչ մի փոփոխություն չկա։ Այս մասին Անկարայում լրագրողներին հայտնել են հանրապետության ազգային պաշտպանության նախարարության աղբյուրները։ «ՀՕՊ С-400 համակարգերը մեր բանակի սպառազինության մեջ են։ Մեր դիրքորոշումը С-400-ի վերաբերյալ չի փոխվել»,- հայտարարել են աղբյուրները։ Այսպիսով, գերատեսչությունում մեկնաբանել են որոշ լրատվամիջոցներում ավելի վաղ հայտնված այն պնդումները, թե Թուրքիան կարող է հետ վերադարձնել

Օրացույց

Սեպտեմբերի 2025
Ե Ե Չ Հ Ու Շ Կ
1234567
891011121314
15161718192021
22232425262728
2930  

- Այս թեմայով -