Իրանը հոկտեմբերի 1-ին Հայաստանում կբացի իր առաջին և ամենամեծ մշտական առևտրի կենտրոնը: Երևանում Իրանի առևտրի կենտրոնը հանդիսանալու է դարպաս դեպի Եվրասիական տնտեսական միություն :
Այս մասին հայտնել է Tasnim գործակալությունը:
Կենտրոնի 10.000 քառակուսի մետր ցուցադրական տարածքը ներառում է տարբեր չափերի 107 ցուցահանդեսային կրպակ: Դրանք կարող են օգտագործվել տարբեր ոլորտների կողմից: Այն նաև ունի կոնֆերանսների սենյակ՝ բիզնես հանդիպումների համար և բաց տարածք միջոցառումների, փառատոների համար:
Բացման արարողությանը ներկա են լինելու Իրանի արդյունաբերության, հանքարդյունաբերության և առևտրի նախարարը, Հայաստանի էկոնոմիկայի նախարարը, ինչպես նաև գործարարներ և Իրանի խոշորագույն արդյունաբերական կենտրոնների ղեկավարներ։
