Իրանը կշարունակի աջակցել տարածաշրջանի հաղորդակցությունների և տրանսպորտային ուղիների ապաշրջափակմանը, Երևանի և Բաքվի միջև խաղաղության օրակարգի առաջխաղացմանը, սակայն դեմ է միջազգային սահմանների փոփոխությանը:
Այս մասին հերթական ճեպազրույցի ժամանակ ասել է Իրանի ԱԳՆ խոսնակ Նասեր Քանանին, փոխանցում է Tasnim-ը:
Քանանին նշել է, որ Հարավային Կովկասում խաղաղությունը կլինի տարածաշրջանի բոլոր երկրների օգտին:
«Իրանն աջակցում է Հարավային Կովկասում խաղաղությանն ու կայունությանը, և մենք ողջունում ենք տարածաշրջանի երկրների ինքնիշխանության շրջանակում տրանսպորտային ուղիների արգելափակման վերացումը։ Այս շրջանակը կարող է օգնել ամրապնդել խաղաղությունը տարածաշրջանում։ Մենք նաև հստակորեն մեր դեմ ենք արտահայտվում միջազգային սահմանների ցանկացած փոփոխությանը, որը հակասում է երկրների քաղաքական անկախությանը»,- հավելել է նա:
