«Մեր տնտեսական քաղաքականության նպատակն այնպիսին է, որ արտահանվող և ՀՀ-ում արտադրվող ապրանքների և ծառայությունների որակը անընդհատ բարձրանա և մենք կարողաղանքն բոլոր երկրներում և՛ ՌԴ-ում, և՛ ԱՄՆ-ում, և՛ ԵՄ-ում վաճառել ապրանքներ, և որպեսզի մեզ նվազագույնը որակի հետ կապված հարցր չնհնչեն, իսկ հնչելու դեպքում՝ մենք ցույց տանք միջազգային լաբորատորիաներից ստացված փորձաքննության արդյունքները»:
Այս մասին լրագրողների հետ ճեպազրույցի ժամանակ ասաց Էկոնոմիկայի նախարար Գևորգ Պապոյանը՝ անդրադառնալով հայկական կոնյակի որակի հետ կապված ռուսական վերջին հրապարակումներին:
Հարցին, թե ընդունում եք, որ որակի խնդիր կա՞, Պապոյանն արձագանքեց՝ չեմ կարծում. «Բայց միևնույն ժամանակ ես վստահ եմ, որ երկիրը, որը գնում է որակի ստանդարտների շարունակական բարձրացման ուղղությամբ, պետությունը, որը իր տնտեսության դիվերսիֆիկացիայի մասին լուրջ մտածում է, պետք է հզոր լաբորատոր կարողություններ կառուցի: Այդ նպատակով 2024 թվականի պետական բյուջեով ստանդարտացման և չափագրության ազգային մարմինը ավելի քան 1 միլիարդ դրամի լաբորատոր նորագույն սարքավորումներ է ձեռք բերոլու, հաջորդ տարիների համար մենք ևս նման ծրարգրեր կիրականացնենք, որպեսզի մենք ոչ միայն որակի վերաբերյալ ներքին համոզվածությամբ և վստահությամբ խոսենք, այլ նաև անհրաժեշտության դեպքում, մեր լաբորատոր կարողությունները դրանց պատշաճ որակի վերաբերյալ փաստաթղթեր տրամադրեն»:
Պապոյանի խոսքով՝ հայկական կոնյակի շատ մեծ տոկոս արտահանվում է ՌԴ, և այդ բոլոր բոլորը առանց բացառության իզոտոպային լաբորատոր փորձաքննություն է անցնում ՌԴ-ում, որտեղ կան նման կարողություններ. «Չի կարող որևէ հայկական կոնյակ վաճառվել ՌԴ-ում՝ առանց ռուսական իզոտոպային լաբորատոր փորձաքննություն անցնելու»:
Գևորգ Պապոյանը նաև նկատեց՝ այն պրոցեսները որոնք Էկոնոմիկայի նախարարությունը սկսել էր, այս գործընթացի հետ բացարձակ կապ չունի:
«Այսինքն մենք արդեն իսկ աշխատում էինք ՀՀ-ում իզոտոպային լաբորատոիաներ ստեղծելու ուղղությամբ, մեր քաղաքականությունը չի փոխվելու՝ մեր ապրանքների որակը պետք է լինի բարձր, և մեզ տրվող ցանկացած հարցին մենք պետք է կարողանանք պատասխանել միջազգային լաբորատոր փորձաքննություններով»,- եզրափակեց Պապոյանը:
