ԱՄՆ նախկին նախագահ Բարաք Օբաման Սպիտակ տան ներկայիս ղեկավար Ջո Բայդենի՝ նախագահական մրցապայքարից հրաժարականի վերաբերյալ իր հայտարարության մեջ աջակցություն է հայտնել վերջինիս, սակայն ձեռնպահ է մնացել Դեմոկրատական կուսակցությունից բարձրագույն կառավարական պաշտոնի ցանկացած այլ թեկնածուի ուղղակի աջակցությունից։
Նա նշել է. «Ջոն երբեք չի նահանջել մենամարտից: Նրա համար էստաֆետը նոր թեկնածուին փոխանցելու որոշումը, իհարկե, իր կյանքի ամենադժվար գործերից է։ Բայց ես գիտեմ, որ նա չէր կայացնի այս որոշումը, եթե չհավատար, որ դա ճիշտ է Ամերիկայի համար»,- գրել է Օբաման:
Նախկին նախագահը հավելել է, որ վստահ է դեմոկրատ առաջնորդների կարողությանը «կազմակերպել այնպիսի գործընթաց, որը կհանգեցնի ակնառու թեկնածուի»:
Հուլիսի 21-ին Ջո Բայդենը հայտարարել է, որ լքում է նախագահական մրցավազքը։ Նա նշել է, որ իր որոշման մասին ավելի շատ կխոսի այս շաբաթ ժողովրդին ուղղված իր ելույթի ժամանակ:
Բայդենը նաև պաշտպանել է փոխնախագահ Քամալա Հարրիսին՝ որպես ԱՄՆ-ի առաջնորդի պաշտոնի թեկնածու Դեմոկրատական կուսակցությունից։
Թեկնածությունը պետք է որոշի Դեմոկրատական կուսակցության ազգային համահումարը:
ԱՄՆ նախագահական ընտրությունները տեղի կունենան 2024 թվականի նոյեմբերի 5-ին։ Դեմոկրատական կուսակցության համագումարը, որին կուսակցությունը կհաստատի թեկնածուին, տեղի կունենա օգոստոսին։
