Հուլիսի 13-ին նախընտրական հանրահավաքի ժամանակ ԱՄՆ նախկին նախագահ Դոնալդ Թրամփի դեմ մահափորձը եվրոպացի քաղաքական գործիչների մոտ մտավախություն է առաջացրել, որ նրանք նույնպես կարող են հարձակման ենթարկվել: Նման գնահատական է տվել Politico եվրոպական հրատարակությունը։
Ըստ թերթի՝ միջադեպը հիշեցում է դարձել եվրոպացի քաղաքական գործիչներին, որ Եվրոպայում քաղաքական բռնության վտանգը նույնպես մեծանում է։ Այս ֆոնին Ֆրանսիայի Ազգային հանրահավաք կուսակցության խորհրդարանական խմբակցության ղեկավար Մարին Լը Պենը, մեկնաբանելով Թրամփի դեմ մահափորձը, զգուշացրել է, որ «Ֆրանսիան անձեռնմխելի չէ նման բռնություններից»։ Ինչպես նշում է հրատարակությունը, եվրոպական էլիտաների մտավախությունն ավելի է ուժեղանում այն փաստով, որ դա արդեն տեղի է ունեցել Եվրոպայում։ Մայիսին մահափորձ կատարվեց Սլովակիայի վարչապետ Ռոբերտ Ֆիկոյի դեմ, անցյալ ամիս Դանիայի կառավարության ղեկավար Մետե Ֆրեդերիկսենը փրկվեց հարձակումից, իսկ Մեծ Բրիտանիայում վերջին ութ տարիների ընթացքում երկու պատգամավոր սպանվեցին:
