«Գոյ» թատրոնի բոլոր դերասաններն աշխատանքից ազատման նամակ են ստացել, Iravaban.net-ի հետ զրույցում տեղեկացրել է թատրոնի դերասան Սամվել Թոփալյանը:
«Նամակն ինձ երեկ կամ երեկ չէ, առաջին օրն է ինձ հասել։ Մեկ ամիս առաջ համարյա բոլորս արդեն ազատված էինք։ Մեզ հետ պայմանագիրը չի երկարաձգվել։ Դե, բնականաբար, ազատել են աշխատանքից, իմ իմանալով՝ բոլորին»,-ասաց Թոփալյանը։
Նա նշեց, որ թատրոնի ճակատագրի մասին են մտածում, քայլեր արվում են։
Նշենք, որ ԿԳՄՍ նախարարությունից հայտնել էին, թե «Գոյ» թատրոնի դերասաններն իրենց գործունեությունը պիտի շարունակեն Սունդուկյանի անվան թատրոնում։ Հարցին, թե ինչո՞ւ են այդ պարագայում նրանց ազատել աշխատանքից, դերասանը տեղեկացրեց՝ իրենք չեն ցանկացել աշխատել այդ թատրոնում։
