ՀՀ վարչապետ Նիկոլ Փաշինյանը խստորեն դատապարտել է Դանիայի վարչապետ Մետտե Ֆրեդերիկսենի վրա հարձակումը:
Այս մասին Նիկոլ Փաշինյանը գրառում է կատարել X-ի միկրոբլոգում:
«Մենք խստորեն դատապարտում ենք աղաղակող հարձակումը Մետտե Ֆրեդերիկսենի վրա: Իմ մտքերը Մետտեի և նրա ընտանիքի հետ են»,- նշված է Փաշինյանի գրառման մեջ:
Ավելի վաղ՝ Դանիայի կառավարության ղեկավարի գրասենյակը հայտնել էր, որ երկրի վարչապետ Մետտե Ֆրեդերիկսենը հունիսի 7-ի երեկոյան Կոպենհագենի Կուլտորվետ հրապարակում ենթարկվել է հարձակման տղամարդու կողմից: Ավելի ուշ նա ձերբակալվել է:
Ըստ Դանիայի կառավարության ղեկավարի գրասենյակի՝ վարչապետի վրա հարձակվող անձի ինքնությունը չի բացահայտվում: Դրդապատճառը նույնպես դեռևս անհայտ է: