ՌԴ ԱԳՆ պաշտոնական ներկայացուցիչ Մարիա Զախարովան այսօրվա իր հերթական ճեպազրույցի ժամանկ, անդրադառնալով արևմտյան լրատվամիջոցների կողմից ՌԴ-ին ուղղված մեղադրանքների վերաբերյալ հարցադրմանը, հայտարարել է, թե Հարավային Կովկասին «սողոսկողները» ոչ թե խաղաղություն, այլ արյունալի կոնֆլիկտ են հրահրում։
«Պետք է տեսնենք, թե ովքեր են իրականությունը ապատեղեկատվությամբ փոխարինում։ Միգուցե մենք ավելի լայն հայացք ձգենք դեպի Հարավային Կովկաս կամ Մերձավոր Արևելք։ Տեսնենք, թե այդ ովքե՞ր են ուզում սողոսկել Հարավային Կովկաս և այնտեղ ոչ թե խաղաղություն հաստատել, այլ հերթական կոնֆլիկտը հրահրել։ Խաղաղությունն այն է, ինչի մասին պայմանավորվել են ՌԴ-ի, ՀՀ-ի և Ադրբեջանի ղեկավարները և դա ամրագրել էին փաստաթղթերում», — իր խոսքում նշել է նա ՌԴ ԱԳՆ պաշտոնյան։
Զախարովան հայտնել է նաև, որ այդ պայմանավորվածությունները եռակողմ համաձայնությամբ էին ձեռք բերվել, ինչը ճանապարհային մեծ քարտեզ է իրենից ներկայացնում, դա մեծ անհանգստություն առաջացրեց շատերի մոտ։
