«Հայաստան» խմբակցության պատգամավոր Աղվան Վարդանյանն ԱԺ նիստին մտքերի փոխանակման ժամին իր ելույթը սկսեց Հրանտ Մաթևոսյանի հետևյալ տողերով․
«Եթե ես հրաժարվեմ Արցախից, թշնամին էլ է ինձ արհամարհելու»։
Ապա շարունակեց ելույթը․
«Հրաժարվել եք, արհամարհվում եք։ Ալիևը «նե օլդու Փաշինյան» է շվշվացնում, էլի է ուզելու, էլի եք արհամարհվելու, բայց հիմա միայն թշնամին չէ, ժողովրդի անունով եկել եք, այսօր ժողովրդից էլ եք արհամարհված։
Ձեզ մի՛ խաբեք, այս «Սրբազան» շարժումը զուտ հայկական է, այն ընդլայնվելու է, մաքրելու է Հայաստանը ատելությունից, ստից, կեղծիքից, դավաճաններից, չհայերից։ Այս շարժումը նաև ձեր փրկության համար է, մի քանիսին չհաշված»։