«Իմ ունեցած տեղեկություններով ոչ մի նախնական պայմանավորվածություն չկա, նման քննարկումներ չեն եղել, բայց, եթե կա որևէ երկիր, որը գազ է վաճառում և կա երկիր, որը գազի կարիք ունի ու եթե չկա դրա համար խոչընդոտ, ապա ամեն բան քննարկելի է»։
Այս մասին լրագրողների հետ ճեպազրույցի ժամանակ ասաց «Քաղաքացիական պայմանագիր» խմբակցությնա պատգամավոր Բակեն Թունյանը՝ ադնրադառնալով Ադրբեջանից գազ գնելու հնարավորություններին:
Հարցին, թե ինչո՞ւ հենց Ադրբեջանից գազ գնել և արդյո՞ք այն չի առաջացնի տնտեսական անվտանգության հետ կապված խնդիրներ, Թունյանն արձագանքեց․
«ՀՀ-ի համար ընդհանրապես տարբերություն չկա, թե որտեղից կգնի իր էներգառեսուրսը ու պետք է գնի այնտեղից, որտեղից ամենաէժանն է ու շահավետը, իսկ էներգակիրների հետ կապված վտանգներ առաջանում են այն ժամանակ, երբ քո էներգետիկ անվտանգությունը ցածր մակարդակի վրա է, և քո աղբյուրը մեկն է։ Այսինքն ինչքան կարողանում ես քո մատակարարաման աղբյուրները դիվերսիֆիկացնել, այնքան քո էներգետիկ անվտանգության մակարդակը ավելի ես բարձրացնում»։
Թունյանի խոսքով՝ Հայաստանը պետք է առավելագույնս դիվերսիֆիկացնի իր հնարավորությունները։
Պատգամավորը նշեց նկատեց՝ այս պահին ռուսական ու իրանական գազը ՀՀ տնտեսության պահանջարկը ամբողջությամբ բավարարում են:
