Հայաստանում ԵՄ դիտորդական առաքելությունը, որը վերջերս ընդլայնվել է՝ ներառելով Կանադայի ներկայացուցչին, ոչ մի օգուտ չի բերում Հարավային Կովկասին, ընդհակառակը, նպաստում է տարածաշրջանի ապակայունացմանը։
Այս մաին ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան։
«Նշելով Եվրամիության ներկայության լիակատար անարդյունավետությունը միջադեպերի կանխարգելման առումով՝ մենք օրեցօր ավելի ու ավելի ենք համոզվում, որ Բաքվի և Երևանի միջև հարաբերությունների կարգավորման գործում Եվրամիության որևէ դրական ներդրում չկա։ Ընդհակառակը, ԵՄ ներկայացուցիչները զբաղված են բոլոր տեսակի սադրանքներով, հետախուզական գործունեությամբ և քարոզչությամբ»,- ասել է նա։
Մեկնաբանելով առաքելությանը Կանադայից փորձագետի միացումը՝ Զախարովան նշել է, որ ԱՄՆ-ն փորձում է ԵՄ-ի միջոցով ՆԱՏՕ-ն բերել տարածաշրջան:
«ԵՄ-ն և ՆԱՏՕ-ն հայ-ադրբեջանական կարգավորմանն իրական օգնություն ցույց տալու նպատակներ չունեն։ Արևմուտքը շարունակում է ռազմականացնել Անդրկովկասը, այն վերածելով աշխարհաքաղաքական մրցակցության ևս մեկ ասպարեզի, անտեսելով բնակիչների շահերը՝ էապես վերջ դնելով մոտ ապագայում տարածաշրջանի խաղաղ զարգացմանը»,- հայտարարել է Զախարովան։