ԱՄՆ Կոնգրեսի Ներկայացուցիչների պալատի անդամ, Կոնգրեսի հայկական հարցերով հանձնախմբի համանախագահ Ֆրենկ Փալոնը Միացյալ Նահանգներին կոչ է արել ռազմական օգնություն տրամադրել Հայաստանին, որպեսզի երկիրը կարողանա իրականացնել սեփական պաշտպանությունը։
Այս մասին Փալոնը հայտարարել է Հայոց ցեղասպանության զոհերի հիշատակին, Հայաստանին ու Լեռնային Ղարաբաղին նվիրված՝ «Արդարություն հանուն ցեղասպանության» խորագրով միջոցառման ժամանակ։
Ըստ նրա, Լեռնային Ղարաբաղին անհրաժեշտ է ավելի շատ հումանիտար օգնություն տրամադրել և պնդել, որ Միացյալ Նահանգների աջակցությամբ ճանապարհ առաջարկվի, որպեսզի ԼՂ-ի բռնի տեղահանվածները կարողանան վերադառնալ իրենց հայրենիք։
