Ղազախստանի նախագահ Կասիմ-Ժոմարտ Տոկաևը Հայաստանի Հանրապետության վարչապետ Նիկոլ Փաշինյանին պաշտոնական այցով հրավիրեց Ղազախստան։
Այդ մասին նա հայտարարել է՝ Երևանում ՀՀ վարչապետ Նիկոլ Փաշինյանի հետ հանդիպումից հետո։
«Առիթից օգտվելով՝ ցանկանում եմ մեծարգո պարոն վարչապետին պաշտոնական այցով հրավիրել Ղազախստան։ Վստահ եմ, որ այսօրինակ բարի քայլերը կմերձեցնեն մեր ժողովուրդներին և կխորացնեն մեր համագործակցությունը»,- նշել է Տոկաևը՝ հավելելով, որ Երևանում Հայաստանի վարչապետ Նիկոլ Փաշինյանի հետ բանակցություններն անցել են փոխադարձ ըմբռնման և վստահության մթնոլորտում, ինչը նոր ազդակ կհաղորդի Հայաստանի և Ղազախստանի հարաբերություններին։
