Հայաստանի Հանրապետությունը կա, լինելու է ուժեղ պետություն՝ ինքնիշխան տարածքային ամբողջականությամբ:
Այս մասին Ազգային ժողովում ՀՀ կառավարության ծրագրի՝ 2023 թվականի կատարման արդյունքների զեկույցի քննարկմանն առնչվող ելույթի ժամանակ ասաց ԱԺ փոխխոսնակ Հակոբ Արշակյանը:
«Մենք ունենալու ենք հստակ գծված սահմաններ, մենք ունենալու ենք հզոր բանակ և հիմա էլ ունենք, անհրաժեշտության դեպքում պատրաստ ենք պաշտպանել մեր տարածքային ամբողջականությունը, և ամբողջ աշխարհը ճանաչում է այդ տարածքային ամբողջականությունը: Մենք հասնելու ենք նրան, որ խաղաղությամբ մեր տարածքում ունենալու ենք արժանապատիվ ապրելու և արարելու իրավունք»,- ասաց Արշակյանը:
