Գեղարքունիքի մարզում 19-ամյա զինծառայողի հարզենային վնասվածքի դեպքով նախաձեռնվել է քրեական վարույթ։ Այս մասին 24News-ին հայտնեցին ՀՀ Քննչական կոմիտեից։
Կատարվել է դեպքի վայրի զննություն, հարցաքննվել են բազմաթիվ համածառայակիցներ։
Փոխանցեցին, որ քրեական վարույթը նախաձեռնվել է՝ ՀՀ քրեական օրենսգրքի 528-րդ հոդվածի 1-ին մասով (Առողջությանը վնաս պատճառելը (անդամախեղելը), որը հանգեցրել է կամ կարող էր հանգեցնել զինվորական ծառայության կամ դրա առանձին պարտականությունների կատարումը ժամանակավորապես դադարեցնելուն) քրեական վարույթ կա հարուցված և հանգամանքները պարզվում են։
Նշենք, որ այսօր՝ ապրիլի 11-ին, մամուլը գրել էր, որ 19-ամյա զինծառայողը ձախ ոտնաթաթի հրազենային վնասվածքով տեղափոխվել է հիվանդանոց։ ՀՀ պաշտպանության նախարարի մամուլի քարտուղար Արամ Թորոսյանն էլ ասել է․ «Աննշան վնասվածք է, կյանքին վտանգ չի սպառնում»:
