Այսօր՝ ապրիլի 9-ին, արտակար դեպք է տեղի ունեցել Երևանում:
Ժամը 11:20-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Արտաշիսյան փողոցի թիվ 89 հասցեում գտնվող պահեստում:
Ինչպես հայտնում է Shamshyan.com-ը, հրդեհը բռնկվել է նախկին ձեթի գործարանի տանիքում: Մինչ հրշեջների ժամանումը, կրակի դեմ պայքարել են գործարանի աշխատակիցները, որի արդյունքում կրակի տարածումը կանխվել է, ապա հրշեջները մարել են այն:
Գործարանը պատկանում է Ազգային ժողովի նախկին պատգամավոր, գործարար Սամվել Ալեքսանյանին: Տեղում հայտարարվել է հրդեհի վտանգավորության «ԲԻՍ 1» աստիճան:
