«Հորդորում ենք Հայաստանին Ադրբեջանին փոխանցել ականային ճշգրիտ քարտեզները», — այս մասին հայտարարել է Թուրքիայի արտգործնախարարությունը։
Գերատեսչությունը շեշտում է՝ «Թուրքիան կիսում է Ադրբեջանի անվտանգության մտահոգությունը՝ կապված օկուպացիայից ազատագրված տարածքներում տեղադրված մեծ թվով ականների հետ»։
44-օրյա պատերազմից հետո պաշտոնական Երևանն առանց նախապայմանների ադրբեջանական կողմին է փոխանցել Արցախի ականապատ դաշտերի 972 տեղեկամատյաններ։ Այս տարվա հունվարի 26-ին Հայաստանն ականապատ դաշտերի 8 նոր տեղեկամատյան հանձնեց Ադրբեջանին։ Բաքուն, սակայն, պնդում է, որ այդ քարտեզների ճշգրտությունն ընդամենը 25 տոկոս է։ Երևանն ի պատասխան հայտարարել է՝ ավելի լավ որակի քարտեզներ պարզապես չկան:
