Թուրքիան մտադիր է անդամակցել ԵՄ-ին։ Դա երկրի համար ռազմավարական նպատակ է․ հայտարարել են Թուրքիայի ԱԳՆ-ում։
«ԵՄ-ին անդամակցությունը նախկինի պես ռազմավարական նպատակ է Անկարայի համար։ ԵՄ-ին Թուրքիայի անդամակցության գործընթացը չափազանց կարևոր է, որպեսզի այն թողնվի մի շարք երկրների նեղ քաղաքական օրակարգերի հայեցողությանը»,-ասել է արտգործնախարար Հաքան Ֆիդանը իսպանացի գործընկեր Ալբարեսի հետ մամուլի ասուլիսի ժամանակ: Ավելի վաղ Ռեջեփ Թայիփ Էրդողանն ասել էր, որ Անկարան ձգտելու է հասնել Եվրամիությանը: Թուրքիան 1999 թվականից թեկնածուի կարգավիճակ ունի։
