Ֆուտբոլային գործակալ Պինի Զահավին, որը ներկայացնում է «Բարսելոնայի» գլխավոր մարզիչ Հանս-Դիտեր Ֆլիկի շահերը, ժամանել է Կատալոնիայի մայրաքաղաք՝ իր հաճախորդի պայմանագիրը «կապտանռնագույնների» հետ երկարաձգելու նպատակով։ Այս մասին X սոցիալական ցանցում հայտնել է հայտնի ինսայդեր Ֆաբրիցիո Ռոմանոն։
Ըստ աղբյուրի՝ կատալոնական ակումբի և գերմանացի մասնագետի միջև նոր համաձայնագիրը նախատեսված կլինի մինչև 2028 թվականի ամառ։ Նշենք, որ Ֆլիկի ներկայիս գործող պայմանագրի ժամկետը «Բարսելոնայի» հետ ուժի մեջ է մինչև 2027 թվականի հունիսի վերջ։ Նա թիմը գլխավորում է 2024 թվականի ամառվանից։
Հավելենք, որ Իսպանիայի ընթացիկ առաջնության 34 տուրից հետո «Բարսելոնան» վաստակել է 88 միավոր և վստահորեն գլխավորում է Լա Լիգայի մրցաշարային աղյուսակը։ Մոտակա հետապնդող Մադրիդի «Ռեալի» նկատմամբ կատալոնացիների առավելությունը կազմում է 11 միավոր։
