Աշխարհում տիրող դժվար և անընդհատ փոփոխվող իրավիճակը պահանջում է մշտական երկխոսություն Մոսկվայի և Պեկինի միջև, ասել է Ռուսաստանի արտաքին գործերի նախարար Սերգեյ Լավրովը Կուալա Լումպուրում Հարավարևելյան Ասիայի երկրների ասոցիացիայի (ԱՍԵԱՆ) միջոցառումների շրջանակներում Չինաստանի արտաքին գործերի նախարար Վան Իի հետ հանդիպման ժամանակ, հաղորդում է ՌԻԱ Նովոստին։
Նա հիշեցրել է, որ Վան Իի հետ հանդիպել է Ռիո դե Ժանեյրոյում՝ BRICS գագաթնաժողովի ժամանակ, որը տեղի է ունեցել հուլիսի 6-7-ը։
«Մեր հարաբերությունների գլոբալ հասանելիությունն ու ռազմավարական բնույթը կրկին հաստատվել են։ Եվ այս հարաբերություններն ավելի պահանջված են աշխարհում տեղի ունեցող դժվար և շատ դինամիկ իրադարձությունների ֆոնին, որոնք պահանջում են մեր մշտական երկխոսությունը համապարփակ գործընկերության և ռազմավարական փոխգործակցության ոգով, ինչպես մեր առաջնորդները մեզ հանձնարարել են անել», — ասել է ռուս նախարարը։
Նա նշել է, որ այժմ ակնկալում է մանրամասն քննարկել իր չինացի գործընկերոջ հետ Ասիա-խաղաղօվկիանոսյան տարածաշրջանի խնդիրները և ընդգծել ԱՍԵԱՆ-ի կենտրոնական դերը աշխարհի այս հատվածում։
