Ռուսաստանի և Հայաստանի ընդհանուր պատմության մեջ կան փառահեղ էջեր, և առաջին հերթին դա հաղթանակն է Հայրենական մեծ պատերազմում։ Այս մասին «Ռուսաստան-Հայաստան» երկրորդ հասարակական ֆորումի շրջանակում լրագրողների հետ զրույցում ասել է ՌԴ փոխարտգործնախարար Միխայիլ Գալուզինը:
«Երբ գալիս եմ Երևան, հպարտություն եմ ապրում` տեսնելով Իսակովի և Բաղրամյանի պողոտաները. մեր ընդհանուր պատմությունը մեր աչքի առաջ է, մեր սրտերում և հիշողության մեջ: Վստահ եմ, որ ԵԱՏՄ-ի, ԱՊՀ-ի, ՀԱՊԿ-ի բարեկամների և դաշնակիցների հետ միասին հաջորդ տարի նշելու ենք Մեծ հաղթանակի 80-ամյակը»,- ասել է նա:
