ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինն անդրադարձել է Մեծամորի ատոմակայանի հարցին:
Նա նշել է, որ ռուսական կողմը Հայաստանին առաջարկել է մեծ հզորության կայանի նախագիծ, որը կարող էր հոգալ երկրի կարիքները, կապահովեր էլեկտրաէներգիայի էժան սակագներ սպառողի համար և կխթաներ երկրի արդյունաբերության աճը:
ТАСС-ի հետ հարցազրույցում դիվանագետը ասել է, որ Ռուսաստանը Հայաստանին պարզաբանել է «Հարավկովկասյան երկաթուղու» կոնցեսիայի վերաբերյալ Երևանին անհանգստացնող բոլոր հարցերը:
«Չենք կարող համաձայնել այն պնդմանը, որ ռուսական ընկերության կողմից հայկական երկաթուղիների կառավարումը որևէ կերպ սահմանափակում է Հայաստանի մրցակցային առավելությունները, ընդհակառակը համոզված ենք, որ այն ստեղծում է դրանք»,- ասել է Կալուգինը:
