Նախընտրական քարոզարշավի հերթական օրը ՀՀ վարչապետ Նիկոլ Փաշինյանն ու «Քաղաքացիական պայմանագիր» կուսակցության անդամները շարունակում են քարոզչություն իրականացնել Երևանում ու մարզերում:
Երևանում շրջայցի դուրս եկած ՀՀ վարչապետը քաղաքացիներին բաժանում է ՔՊ նախընտրական ծրագրի բուկլետներն ու ՀՀ քարտեզի մակետները, ողջունում նրանց, ներկայացնում նախորդ տարիների աշխատանքներն ու սպասվող ծրագրերը:
Քաղաքացիներից մեկը վարչապետին ասել է, թե շնորհակալ է կատարված աշխատանքի համար և խնդրում է շարունակել տեր կանգնել ժողովրդին:
«Դուք էլ տեր կանգնեք խաղաղությանը»,- պատասխանել է վարչապետը:
Մեկ այլ կին ուրախությամբ ողջունել է ՀՀ վարչապետին՝ ասելով «Թագավոր ես, թագավոր էլ կմնաս»:
