Իրանի պատասխանը ԱՄՆ-ի առաջարկին ներառել է Հորմուզի նեղուցում նավագնացության անվտանգության ապահովման և իրանական ակտիվների ապասառեցման պահանջներ։ Այս մասին հայտնել է Իսլամական Հանրապետության ԱԳՆ ներկայացուցիչ Էսմայիլ Բաղային, հաղորդում է ՏԱՍՍ-ը:
«Իրանական նավերի դեմ ծովահենությունը դադարեցնելու Իրանի պահանջը, իրանցի ժողովրդին պատկանող ակտիվները ազատելու Իրանի պահանջը, որոնք արդեն երկար տարիներ ապօրինաբար պահվում են օտարերկրյա բանկերում ԱՄՆ-ի ճնշման պատճառով, արդյո՞ք սա չափազանցված պահանջ է։ Հորմուզի նեղուցում անվտանգ երթևեկություն ապահովելու մեր առաջարկը՝ արդյո՞ք սա չափազանցված պահանջ է»,- ասել է նա մամուլի ասուլիսի ժամանակ։
Իրանը ցավում է, որ Վաշինգտոնում գերակշռում են հակամարտության կարգավորման հարցում Իսրայելի կողմից պարտադրված տեսակետները, և ԱՄՆ-ը շարունակում է պնդել իր անհիմն պահանջները, այսպես է մեկնաբանել Բաղային ԱՄՆ նախագահ Դոնալդ Թրամփի խոսքերը հակամարտության կարգավորման վերաբերյալ ԱՄՆ առաջարկին Իրանի պատասխանի անընդունելի լինելու մասին։
