Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը հայկական լրատվամիջոցների հետ զրույցում անդրադարձել է սահմանի բացման հեռանկարներին.
Քըլըչը հրաժարվել է նշել սահմանի բացման կոնկրետ ժամկետներ՝ չցանկանալով մոլորության մեջ գցել հանրությանը:
Ըստ նրա՝ սահմանի բացման ճանապարհին միայն տեխնիկական խոչընդոտներ են մնացել: Շինարարական աշխատանքները գրեթե ավարտված են, սակայն անհրաժեշտ է լուծել անձնակազմի նշանակման, ինտերնետ կապի ապահովման և այլ ձևակերպումների հարցերը:
Հատուկ ներկայացուցիչը շեշտել է, որ Թուրքիան իր քաղաքական կամքի մասին հայտարարել է դեռևս 2022 թվականի օգոստոսին:
