ՀՀ վարչապետ Նիկոլ Փաշինյանը վերահաստատել է, որ Հայաստանը պատրաստ է Եվրոպայի հետ մերձենալ այնքան, որքան Եվրոպան դա հնարավոր կհամարի։ Այս մասին մայիսի 5-ին Ֆրանսիայի նախագահ Էմանուել Մակրոնի հետ համատեղ մամուլի ասուլիսի ժամանակ հայտարարել է Նիկոլ Փաշինյանը։
Փաշինյանը նշել է, որ այդ հարցին ինքը պատասխանել է դեռևս 2023 թվականին Եվրախորհրդարանի ամբիոնից ունեցած իր ելույթում. Հայաստանը պատրաստ է մոտենալ Եվրոպային այնքան, որքան Եվրոպան հնարավոր կհամարի։
Խոսելով Հայաստանի և Ֆրանսիայի միջև ռազմավարական գործընկերության մասին հռչակագրի ստորագրմամբ բացվող հնարավորությունների մասին՝ վարչապետը նշել է, որ փաստաթուղթը թույլ կտա ավելի արդյունավետ օգտագործել առկա ներուժը։ Ըստ նրա՝ փաստաթուղթը յուրօրինակ ուղերձ է տարբեր ոլորտների համար այն մասին, որ բարենպաստ պայմաններ են ստեղծվել մասնավոր և պետական ընկերությունների աշխատանքի համար։
