ՌԴ Անվտանգության խորհրդի փոխնախագահ Դմիտրի Մեդվեդևն իր թելեգրամյան ալիքում Հայաստանի վարչապետ Նիկոլ Փաշինյանին և Ուկրաինայի նախագահ Վլադիմիր Զելենսկուն «երկու անուղեղ ռուսատյացներ» է անվանել։
«Այսօր Երևանում երկու անուղեղ ռուսատյացներ, որոնք հիանալի խոսում են ռուսերեն, իրենց թերարժեքության պատճառով զրուցում էին վատ անգլերենով։ Թեև, ամենայն հավանականությամբ, դա տեսախցիկների համար էր, իսկ հետո նրանք լեզվին տվեցին իրենց սովոր «մեծ ու հզոր» [ռուսերենով]։ Պակասում են միայն Թրամփն ու Վենսը, որպեսզի այդ տգետներից անգլերենի ստուգարք ընդունեն…»,- գրել է Մեդվեդևը։
