Անգլիայի Պրեմիեր լիգայի 35-րդ տուրի կենտրոնական խաղում «Մանչեսթեր Յունայթեդը» «Օլդ Թրաֆորդում» գերլարված պայքարում առավելության հասավ գործող չեմպիոն «Լիվերպուլի» նկատմամբ (3-2):
Մանկունյացիները հիանալի մեկնարկեցին և շատ արագ երկու գնդակի առավելություն ստացան. 6-րդ րոպեին հաշիվը բացեց Մատեուս Կունյան, իսկ 14-րդ րոպեին Բենյամին Շեշկոն կրկնապատկեց «կարմիր սատանաների» առավելությունը։
Երկրորդ խաղակեսում մերսիսայդցիները կարողացան բեկել խաղի ընթացքն ու վերադառնալ. 47-րդ րոպեին Դոմինիկ Սոբոսլային կրճատեց հաշվի տարբերությունը, իսկ 56-րդ րոպեին Կոդի Գակպոն վերականգնեց հաշվի հավասարակշռությունը (2-2):
Այնուամենայնիվ, վճռորոշ խոսքն այս դրամատիկ մրցավեճում ասացին տանտերերը. 77-րդ րոպեին Կոբի Մեյնուն խփեց ՄՅՈւ-ի երրորդ և հաղթական գոլը՝ խելահեղ հանդիպմանը դնելով վերջնակետ։
