ԱՄՆ Սենատի զինված ուժերի հարցերով հանձնաժողովի անդամ, առաջատար դեմոկրատ Ջեք Ռիդը հինգշաբթի քննադատել է ԱՄՆ դաշնակից Իսրայելին՝ Իրանին հասցված հարվածների համար՝ մեղադրելով նրան տարածաշրջանը և ամերիկյան ուժերը վտանգի ենթարկելու մեջ։
«Իրանին ավիահարվածներ հասցնելու Իսրայելի մտահոգիչ որոշումը անխոհեմ սրացում է, որը կարող է տարածաշրջանային բռնություն հրահրել», — հայտարարության մեջ ասել է Ռոդ Այլենդից ընտրված սենատոր Ջեք Ռիդը։
Հիշեցնենք, որ այսօր՝ ապրիլի 13-ի լուսաբացին, Իսրայելը հարվածներ է հասցրել Իրանի տարածքին։
Իրանական լրատվամիջոցները հայտնել են Իրանի վրա Իսրայելի կողմից ուրբաթ առավոտյան իրականացված հարձակման ժամանակ ԻՀՊԿ հրամանատար Հոսեյն Սալամիի, ԻՀՊԿ Խաթամ ալ-Անբիա կենտրոնական հրամանատարության հրամանատար Ղոլամ Ալի Ռաշիդի և երեք միջուկային ֆիզիկոսների մահվան մասին։
Ավելին, ըստ Իրանի զինված ուժերի հայտարարության, Իսրայելի հարվածները հասցվել են ոչ միայն միջուկային օբյեկտներին, այլև քաղաքացիական օբյեկտներին։ Զոհվել են նաև քաղաքացիական անձինք, այդ թվում՝ կանայք և երեխաներ։
