12 տարվա դադարից հետո Թուրքիան վերաբացել է Դամասկոսում գտնվող իր դեսպանատունը, հայտարարել է Թուրիայի արտգործնախարար Հաքան Ֆիդանը՝ նշելով, որ դեսպանատան անձնակազմը Սիրիայի մայրաքաղաք է վերադարձել նախօրեին։
Առաջիկա ամիսներին Թուրքիան Սիրիայում ներկայացված կլինի գործերի ժամանակավոր հավատարմատարի մակարդակով։ Այդ պարտականությունները կկատարի Մավրիտանիայում Թուրքիայի նախկին դեսպանը։
Սիրիայում Թուրքիայի դեսպանատունը գործունեությունը դադարեցրել էր 2012 թվականի մարտին՝ Անկարայի և Դամասկոսի հարաբերությունների սրման պատճառով։
