Հետաքննությունների դաշնային բյուրոն (ՀԴԲ) ԱՄՆ նախկին նախագահ Դոնալդ Թրամփի հանրահավաքի ժամանակ հնչած կրակոցները դիտարկում է որպես ներպետական ահաբեկչության հնարավոր գործողություն։
Այս մասին ասվում է գերատեսչության տարածած հաղորդագրության մեջ։
«ՀԴԲ-ն հետաքննում է հուլիսի 13-ին Փենսիլվանիայի Բաթլեր քաղաքում տեղի ունեցած հրաձգությունը որպես սպանության փորձ և կենցաղային ահաբեկչության պոտենցիալ գործողություն, պատահարի հետևանքով մեկ մարդ զոհվեց և վիրավորվեցին նախկին նախագահ Դոնալդ Թրամփն ու այլ հանդիսատեսներ»,- ասվում է փաստաթղթում։
Գերատեսչությունն ընդգծել է, որ մինչ հրաձգության դեպքը կասկածյալի հետ գործ չի ունեցել։ Նաև նշվում է, որ շարունակում են հետաքննել՝ արդյո՞ք նա ունի հանցակիցներ, թեև այժմ ուսումնասիրությունները ցույց են տալիս, որ նա միայնակ է գործել:
Բացի այդ, ՀԴԲ-ն հաստատել է, որ դեռ չի պարզել հարձակվողի դրդապատճառները, սակայն աշխատում է իրադարձությունների հաջորդականությունը պարզելու և նրա շարժումները նախքան կրակ բացելը պարզելու ուղղությամբ։
