Թուրքիայի նախագահ Ռեջեփ Թայիփ Էրդողանը բանակցություններ է վարել իրանցի գործընկեր Իբրահիմ Ռաիսիի հետ, որի ընթացքում կողմերը քննարկել են մի շարք առանցքային հարցեր, այդ թվում՝ Թուրքիայի և Իրանի երկկողմ հարաբերությունները, ինչպես նաև Պաղեստինի և Իսրայելի հակամարտությունը։
Այս մասին հայտնում է Թուրքիայի նախագահի աշխատակազմի հաղորդակցության վարչությունը։
Նշվում է, որ նախագահ Էրդողանը իր դիրքորոշումն է հայտնել Գազայում հրադադարի մասին ՄԱԿ-ի Անվտանգության խորհրդի բանաձևի արագ իրականացման ուղղությամբ ինտենսիվ աշխատանքի անհրաժեշտության վերաբերյալ և ընդգծել այս գործընթացում ՖԱԹՀ-ի և ՀԱՄԱՍ-ի համակարգված գործողությունների կարևորությունը։
Բացի այդ, Թուրքիայի ղեկավարն ընդգծել է տարածաշրջանում լարվածությունն ընդլայնելու Իսրայելի փորձերին հակազդելու համար ուժերը միավորելու անհրաժեշտությունը՝ մատնանշելով տարածաշրջանային կայունության և անվտանգության կարևորությունը։
