Մադրիդի «Ռեալի» ֆրանսիացի հարձակվող Կիլիան Մբապեն արձագանքել է «Սանտիագո Բեռնաբեուում» իր հաղթական դուբլին՝ Լա լիագյի 4-րդ տուրի «Բետիսի» դեմ խաղում (2:0)։
«Անհավանական պահ էր, ուղղակի երազ։ Ես գոլ խփեցի աշխարհի լավագույն մարզադաշտում՝ աշխարհի ամենամեծ ակումբի կազմում։ Երկրպագուներն ինձ աջակցում էին նույնիսկ այն ժամանակ, երբ գոլեր չէի խփում, ինչի համար շատ շնորհակալ եմ նրանց։ Ուզում եմ էլի շատ գոլեր խփել «Ռեալի» կազմում»,- Մբապեի խոսքերն է մեջբերում Marca-ն։
Նշենք, որ 25-ամյա խաղացողը մադրիդյան թիմի կազմում բոլոր մրցաշարերում մասնակցել է 5 հանդիպման՝ դառնալով 3 գոլի հեղինակ։
