37-ամյա Նովակ Ջոկովիչը՝ օլիմպիական չեմպիոն

Սերբ թենիսիստ Նովակ Ջոկովիչը հաղթել է թենիսի օլիմպիական մենախաղի մրցաշարում՝ կարիերայում առաջին անգամ նվաճելով Օլիմպիական ոսկե մեդալ։

Եզրափակիչ խաղում նա ուժեղ գտնվեց աշխարհի երրորդ ռակետ, 21-ամյա իսպանացի Կառլոս Ալկարասից՝ 7:6 (3), 7:6 (2):

Հանդիպման տևողությունը 2 ժամ 52 րոպե էր։

37-ամյա Ջոկովիչը թենիսի պատմության ամենատարեց խաղացողն է, որ հաղթել է Օլիմպիական խաղերի մենախաղում։