Սոված մարդուն մի օր տվեցինք հաց, 2 օր, 10 օր, էդ հացը ո՞ւմ փողով ենք տալիս: Այս մասին այսօր՝ ապրիլի 10-ին, կառավարության նիստում հայտարարեց վարչապետ Նիկոլ Փաշինյանը:
«Այդ գումարը, որը պետական բյուջեն վաստակում է, որով մենք հաց չունեցողին պիտի հաց տանք, այդ գումարը ձևավորվում է աշխատողի հաշվին։ Եվ հետևաբար մենք պետք է աջակցենք աշխատողին, իսկ չաշխատող պետք է քաջալերենք, որ նա աշխատի։ Իսկ աշխատել կարող է միայն կրթության միջոցով։ Իսկ թե ոնց և ինչու ենք մենք 30, 40, 50 տարեկան մարդկանց ասում, որ գիտեք՝ կրթության միջոցով պիտի լուծվի այդ հարցը, ես այսօր այդ հարցին չեմ անդրադառնա:
Ես համոզված եմ, որ ունենք ընտանիքներ, որ 25-30 տարի անապահովության համակարգում են: Պատկերացնում եք, մարդ կա 30 տարի Փարոսի շահառու է: Սա կատարյալ անհարգալից վերաբերմունքը այդ մարդու նկատմամբ: Մարդը 30 տարի նպաստ է ստանում անապահովության, մենք էլ համարում ենք որ իրեն լավություն ենք անում: Մենք դրանով իրենց սերնդեսերունդ դարձնում ենք աղքատ, մտցնում ենք արյան մեջ այդ աղքատությունը:
Մենք սրա մասին լրջորեն պետք է մտածենք, ու մարդկանց հետ պետք է խոսենք սրա մասին»,-ասաց վարչապետը:
