Այս տարի աշխարհում իրավիճակը հանգիստ չի լինի: Այս մասին հայտարարել է ՌԴ արտաքին հետախուզության ծառայության տնօրեն Սերգեյ Նարիշկինը «ՌԻԱ Նովոստիին» տված հարցազրույցում:
«Արդեն այսօր հասկանալի է, որ 2025 թվականը հանգիստ չի լինելու։ Շատ բան կախված է նրանից, թե որքանով տարածաշրջանային և գլոբալ խաղացողներին կբավականացնի և ողջախոհությունը, և տոկունությունը», – ասել է նա։
Վերջինիս կարծիքով՝ այժմ մենք ականատես ենք լինում միաբևեռ, իր դարն ապրած աշխարհակարգից նոր, արդար աշխարհակարգի անցման գործընթացին։
«Այդ գործընթացը, իհարկե, իր ռիսկերն ունի, այն շատ բարդ է», — նշել է ԱՀԾ ղեկավարը։
Նշենք, որ Մոսկվան բազմիցս տարբեր մակարդակներով հայտարարել է միաբևեռ աշխարհակարգի անընդունելիության և միջազգային հարաբերությունների առավել հավասարակշռված ճարտարապետության անհրաժեշտության մասին։
