Հայաստանի արտգործնախարար Արարատ Միրզոյանը շնորհավորել է Ժան-Նոել Բարոյին Ֆրանսիայի արտգործնախարար նշանակվելու կապակցությամբ։
«Ես անհամբեր սպասում եմ նրա հետ աշխատելուն՝ ամրապնդելու Հայաստանի և Ֆրանսիայի միջև բարեկամությունը, ինչպես նաև շարունակելու համատեղ ջանքերը՝ մեր տարածաշրջանում արդար և կայուն խաղաղություն հաստատելու համար», — X-ում գրել է Միրզոյանը։
Հայաստանի արտաքին քաղաքական գերատեսչության ղեկավարը նաև շնորհակալություն է հայտնել Ֆրանսիայի նախկին արտգործնախարար Ստեֆան Սեժուրնեին՝ «ամուր բարեկամության վրա հիմնված հայ-ֆրանսիական համագործակցության համար, որը, Միրզոյանի խոսքով, ուղղված էր Հարավային Կովկասի տարածաշրջանում արդար և կայուն խաղաղության հասնելուն։
