«Փյունիկն» ու «Նոան» երեկ դուրս են եկել Կոնֆերենցիաների լիգայի որակավորման փլեյ-օֆֆ փուլ. ՀՀ վարչապետի աշխատակազմի ղեկավար Արայիկ Հարությունյանն ու ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն արձագանքել են ակումբային ֆուտբոլում գրանցած վերջին հաջողություններին:
«Գերազանց արդյունք մեր ակումբներից: «Փյունիկն» ու «Նոան» Կոնֆերենցիաների լիգայի փլեյ-օֆֆում են, ինչի համար շնորհավորում եմ բոլորիս: «Արարատ-Արմենիան» էլ շատ մոտ էր նույն հաջողությանը, բայց մի ֆուտբոլիստի խուլիգանական պահվածքը զրկեց նրան պատմական շանսից: Հաջորդ շաբաթ բոլորս գնում ենք երկրպագելու մեր թիմերին»,- գրել է Հարությունյանը:
«Աննախադեպ հաջողություն հայկական ակումբային ֆուտբոլում: «Փյունիկն» ու «Նոան» Կոնֆերենցիաների լիգայի փլեյ օֆֆում են: Շնորհավորում եմ թիմերին և ֆուտբոլի երկրպագուներին: Հաղթանակ եմ մաղթում վճռական խաղերում: Կհանդիպենք խմբային փուլում»,- գրել է Կարեն Գիլոյանը:
